ஷங்கரின் பரவசப்படுத்தும் புத்தாண்டு பரிசு - எந்திரன் விஷேஷ படங்களுடன் புதிய ப்ளாக்

இந்த செய்தியை உங்களிடம் முதன்முதலில் பகிர்ந்துகொள்வதில் பெருமையடைகிறோம். வாய்ப்பு ஏற்படுத்தி தந்த நம் தள வாசகர் முத்துவிற்கு நம் மனமார்ந்த நன்றி!!!!
Film-making சார்ந்த நவீன தொழில் நுட்பத்தை தனது படங்களில் புகுத்தி தமிழ் சினிமாவை அனைவரையும் திரும்பி பார்க்க வைத்தவர் இயக்குனர் ஷங்கர் என்றால் மிகையாகாது. கிராபிக்ஸை படங்களில் சரியாக பயன்படுத்துவது முதல் காமிரா ஆங்கிள்கள் வரை இவரது பிரம்மாண்டத்துக்கு இந்தியா சினிமாவில் ஈடு இணையில்லை. கடின உழைப்பு மற்றும் இடையறாத முயற்சி மூலம் ஷங்கர் இன்று இந்த நிலையைஅடைந்திருக்கிறார். இவருக்கு ரசிகர்கள் வைத்திருக்கும் செல்லப் பெயர் “இந்தியாவின் ஸ்பீல்பெர்க்”.

தனது படங்களின் சக்சஸ் ரேட் அதிகபட்சம் உள்ள இயக்குனரும் இவர் தான். இத்துனை சிறப்புக்கள் ஒருங்கே பெற்ற நம் இயக்குனர், வளர்ந்துவரும் நவீன தொடர்பு சாதனமான இண்டர்நெட்டை மட்டும் விட்டு வைப்பாரா என்ன? நம் எல்லோரது ஆவலை பூர்த்தி செய்யும் வகையில், தனது திரைப்படங்கள் மற்றும் தன்னை பற்றிய செய்திகளை ரசிகர்களுடன் பகிர்ந்துகொள்ள, இப்புத்தாண்டு முதல் ஒரு அசத்தலான அட்டகாசமான ப்ளாக்கை துவக்கியிருக்கிறார்.
(ஏற்கனவே அவர் www.directorshankar.com மற்றும் www.spictures.org என்ற தளங்களை துவக்கியிருந்தாலும், நம்முடன் ஒரு INTERACTIVE MODE க்கு வருவது இந்த புதிய ப்ளாக் www.directorshankaronline.com மூலமாகத் தான்.) அவருக்கு நம் தளம் சார்பாக வாழ்த்துக்கள்.
ப்ளாக்கின் அட்ராக்க்ஷனாக எந்திரன் படத்தின் சில ON-LOCATION ஸ்டில்ல்கள் வெளியிடப்பட்டுள்ளன.
சூப்பர் ஸ்டார் எத்துனை இளமையாக இருக்கிறார் பாருங்கள்… தலைவருக்குள் இருக்கும் இளமையை வெளியே கொண்டுவந்து நமக்கு விருந்து வைத்தமைக்கு ஷங்கருக்குகோடி நன்றிகள்.

சரி, புதிய ப்ளாக்கில் முதல் பதிவில் அவர் தெரிவித்திருப்பது என்ன?
http://www.directorshankaronline.com/
எந்திரன் ஷூட்டிங் 90% முடிந்தது
“வணக்கம். நான் ஷங்கர் பேசுகிறேன். இப்போ தான் சக நட்சத்திரங்களுடன் எந்திரன் படத்துக்காக ஒரு சண்டைக் காட்சியை முடித்துவிட்டு பூனே & லோனோவாலாலிருந்து வருகிறேன். இத்துடன் எந்திரன் ஷூட்டிங் 90% முடிந்தது.
நான் இயக்கும் அனைத்து படங்களுக்கும் 24 மணிநேரமும் இடைவிடாது எனது கவனம் தேவைப்படுவதால், என்னை பற்றியும் எனது படங்களை பற்றியும் எனது விருப்பு வெறுப்புக்களை பற்றியும் தெரிந்துகொள்ள விரும்பும் என் ரசிகர்களுடன் என்னால் பேச முடிவதில்லை. அந்த குறையை இந்த ப்ளாக மூலம் போக்க முடிவு செய்திருக்கிறேன்.
நீங்கள் உங்கள் சந்தேகங்களை கேளுங்கள். என்னால் எப்பொழுதெல்லாம் முடிகிறதோ அப்பொழுதெல்லாம் பதில் கூறுகிறேன். அனைவருக்கும் என் இனிய புத்தாண்டு நல்வாழ்த்துக்கள்.”
- ஷங்கர்.

“This is Shankar. Just back from Pune & Lonavala after finishing an action sequence with both my stars and with this I finished 90% of “Endhiran”
All the movies I direct demands 24 x 7 attention and I don’t get enough time or opportunity to interact with my audience, the film lovers who seek and wish to know about my movies, myself, my likings, my thoughts etc.,
I hope blogging will serve the purpose.
You ask I answer as and when it’s possible.
A VERY HAPPY NEW YEAR TO ALL!!!
- Shankar”