தலைவரின் புது படம் பற்றிய செய்தி – சில விளக்கங்கள்

முந்தைய பதிவில் நான் தலைவரின் புது படம் பற்றி நான் கேள்விப்பட்ட செய்திகளை கூறியிருந்தேன். அவைபற்றி கொஞ்சம் தெளிவுபடுத்த விரும்புகிறேன்.
இது போன்ற ஊகங்கள் அடிப்படையிலான செய்திகளை நான் கூற விரும்புவதில்லை. இருப்பினும் ரஜினி பற்றிய செய்திகள் பெரும்பாலும் யூகத்தில் தான் ஆரம்பிக்கும். அதையெல்லாம் நான் சொல்லகூடாது என்றால், உங்களுக்கு எந்த செய்தியுமே தரமுடியாது. ஏனெனில் மிக பெரிய பத்திரிகைகளுக்கே சவாலான விஷயம் இது. நான் எம்மாத்திரம்?

நீங்கள் இங்கு படித்ததை கண்டிப்பாக அடுத்த சில நாட்களில் அனைத்து வலைத்தளங்களிலும் ஏடுகளிலும் படிக்க போகிறீர்கள். ஏனெனில் ரஜினி பற்றி ஏதாவது செய்தி போட்டு கொண்டேயிருக்கவேண்டும் அவர்களுக்கு… நான் கொஞ்சம் முந்திகொண்டால் என்ன?
என்னை பொறுத்தவரை ரஜினி ரோபோவுக்கு முன்பாக படம் எதுவும் பண்ணமாட்டார். அப்படி பண்ணுவதாக இருந்தால் நிச்சயம் அவசரப்படமாட்டார்.
உடனடியாக படம் பண்ணுவதாக இருந்தால் கையில் ரெடி மேடாக கதை இருக்கவேண்டும். அப்படி எதுவும் இருப்பதாக தெரியவில்லை. மேலும் நடிகர் நடிகையர் தேர்வு, லொகேஷன் தேர்வு, இசையமைப்பாளர் தேர்வு மற்றும் பாடல்கள் தயார் செய்தல் என பல விஷயங்கள் உள்ளன. இவற்றிலெல்லாம் அவசரம் காட்ட முடியாது. பொறுமையுடன் கையாள வேண்டிய விஷயங்கள் இவை. கூட்டி கழித்து பார்த்தால் உடனடியாக பட அறிவிப்பு எதுவும் சாத்தியமில்லை.
ஆனால் அப்படி ஒரு செய்திக்காக உங்களை போலவே நானும் ஆவலுடன் காத்திருக்கிறேன். (இந்த புதுப்பட செய்தி உண்மையாகும் பட்சத்தில் மட்டும் என்னை நினைத்துக் கொள்ளுங்கள். இது எப்படி இருக்கு? ஹா… ஹா… ஹா…!!)
பட அறிவிப்பு அன்றி தலைவரின் வேறு விதமான சில அதிரடி நடிவடிக்கைகளுக்கு நிறையவே சாத்தியமுண்டு. அவைபற்றி உங்களுக்கு அவ்வப்போது தெரியப்படுத்த என்னால் இயன்றவரை முயற்ச்சிக்கிறேன்.