Rajinikanth's Cameo RA.ONE

In his first tryst with the camera after the bout of illness, Rajinikanth will do a guest appearance for Shah Rukh Khan in RA.One. This will be a double whammy for millions of Rajini fans around the world, who had spent sleepless nights praying for their idol, and for SRK fans, who are waiting to see the romantic star in a never-before avatar. SRK has been maintaining that the film pays a tribute to the superstar's Robot. Rajini will shoot in Hyderabad for a sequence that has been set in his honour, said sources close to the crew. Besides the first-ever Rajni-Shah Rukh pairing, the cameo will also mark the iconic star's return to form.

Tamil Summary
ரா ஒன் படத்தில் ஷாருக்கானைக் காப்பாற்றும் சூப்பர் பவர் பாத்திரமாக நடிக்க சூப்பர் ஸ்டார் ரஜினி ஒப்புக் கொண்டுள்ளார்.

உடல் நிலை சரி இல்லாமல் சிகிச்சை பெற்று திரும்பிய ரஜினி தற்போது ஓய்வு எடுத்து வருகிறார். இயல்பு நிலைக்கு அவர் திரும்பியதும் முதல் முறையாக கேமரா முன் தோன்றும் படம் ரா ஒன்தான் என்பது அவரது கோடிக்கணக்கான ரசிகர்களுக்கு இனிப்பான செய்தியாக வந்துள்ளது.

ஷாரூக்கின் இந்த ரா-ஒன் படம் ரஜினியின் எந்திரன் படத்தின் அப்பட்டமான காப்பி என்றெல்லாம் செய்திகள் உலா வந்த நிலையில், எந்திரன் வேறு, ரா ஒன் வேறு. நாங்கள் ரஜினி மீது பெரும் மரியாதை வைத்துள்ளோம்.அவரை கவுரவிக்கும் விதத்தில் காட்சியும் வைத்துள்ளோம் என்று நேற்று முன்தினம் ஷாருக்கான் கூறியிருந்தார்.

இந்த நிலையில் ரா-ஒன் படத்தில் ரஜினி சிறப்பு தோற்றத்தில் தோன்றப் போவதாக மும்பை பத்திரிகைகள் பரபரப்பு செய்தி வெளியிட்டு உள்ளன. இதுபற்றி கூறப்படுவதாவது:

ரா ஒன்னில் ஷாரூக்கானை பெரும் ஆபத்திலிருந்து காக்கும் ஒரு சூப்பர் மேன் வேடத்தில் நடிக்க ரஜினி ஒப்புக் கொண்டுள்ளார்.

இதற்கான படப்பிடிப்பு ஹைதராபாத்தில் உள்ள ராமோஜிராவ் பிலிம் சிட்டியில் அடுத்த மாதம் (அக்டோபர்) 4-ந்தேதி நடக்கிறது. ஷாருக்கான் வில்லன்களிடம் சண்டை போடும் போது ஒரு கட்டத்தில் நிராயுதபாணியாக நிற்பார். அவர் உயிரை வில்லன்கள் பறிக்க ஆயத்தமாகும் தருமணத்தில் சூப்பர் ஸ்டார் ரஜினி ஒரு சூப்பர் காரில் தனக்கே உரிய ஸ்டைலில் சர்ரென்று வந்து நிற்பார்.

அவரது கார் வில்லன்களின் ஆயுதங்களை தன்னுடன் ஈர்த்து ஷாருக்கானை காப்பாற்றும். அப்போது ஷாரூக்கின் உடனிருக்கும் கதாநாயகி கரீனா கபூர் யார் இவர் என்று ரஜினியை பார்த்து கேட்பார். உடனே ரஜினி தனக்கே உரிய பஞ்ச் வசனம் பேசியடி காரிலிருந்து இறங்குவாராம். அவரை ஷாரூக்கான் மிகுந்த மரியாதையுடன் அறிமுகப்படுத்துவது போன்று இக்காட்சி எடுக்கப்படுகிறதாம்.

ஆரம்பத்தில் இந்தக் காட்சியில் ரஜினிபோல வேறு ஒருவருக்கு மேக்கப் போட்டு எடுத்துவிட திட்டமிட்டார்களாம்.

ஆனால் படம் தமிழில், தெலுங்கிலும் வெளியாவதால் ரஜினியே தோன்றினால் பெரும் வரவேற்பு கிடைக்கும் என்பதால் அவரே நடித்தால் நன்றாக இருக்கும் என நினைத்து ரஜினியைத் தொடர்பு கொண்டாராம் ஷாரூக். ரஜினியும் அதற்கு சம்மதம் தெரிவித்ததாகக் கூறப்படுகிறது.

தீபாவளிக்கு ரா-ஒன் படம் ரிலீசாகிறது இது தமிழ், தெலுங்கிலும் டப்பிங் செய்யப்படுகிறது.