பொங்கல் வெளியீடான ‘குட்டி’ நல்ல வரவேற்பை பெற்று ஓடிக்கொண்டிருக்கிறது. தேவி திரையரங்கில் சனிக்கிழமை இரவு நமது நண்பர்களுடன் படத்தை பார்த்து ரசித்தோம் நாம். படத்தை உங்கள் குடும்பத்துடன் தாராளமாக கண்டு ரசிக்கலாம். படத்தின் முதல் பாதி சூப்பர். இரண்டாம் பாதி சற்று ட்ரிம் செய்யப்பட்டால் நன்றாக இருக்கும் என்பது பலரது அபிப்ராயம். இடைவேளைக்கு பிறகு படத்தின் வேகத்தை பாதிக்கும் சில காட்சிகளை நீக்கி ட்ரிம் செய்து, படத்தை நன்கு PROMOTE செய்தால் படம் சூப்பர் ஹிட் பட்டியலில் இடம் பிடிப்பது உறுதி.
குட்டி படத்தின் சிறப்பு நிகழ்ச்சி பொங்கல் நிகழ்சிகளில் சன் மியூசிக்கில் இடம்பெற்றது. நடிகர் தனுஷ் மற்றும் தொகுப்பாளர் ஆடம்ஸ் பங்கேற்றனர். நேயர்களுடன் தொலைபேசியில் உரையாடினார் தனுஷ்.
யாரும் எதிர்பார்க்காத வகையில் சூப்பர் ஸ்டார் திடீரென தொடர்புகொள்ள, நிகழ்ச்சி தொகுப்பாளர் ஆடம்சுக்கு தலை கால் புரியவில்லை.
நா…குழறி… சிலிர்த்து, விக்கித்து போய்விட்டார் ஒரு நிமிடம்.
இந்த வீடியோவை பார்க்கையில் தலைவரின் குரலை கேட்க்கும்போது, நமக்கே ஒரு வித பரவசம் வந்துவிடுகிறது. அப்போது போனில் கேட்கும் ஆடம்சுக்கு எப்படி இருந்திருக்கும்?
யாத்ராவுடன் தாம் மழலை பேசிக்கொண்டிருந்ததை குறிப்பிட்டுள்ளார் சூப்பர் ஸ்டார். குட்டி படத்தை முன் தினம் தான் பார்த்ததாகவும் படம் மிக நன்றாக இருப்பதாகவும், தனுஷின் நடிப்பை தாம் மிகவும் ரசித்ததாகவும் படம் வர்த்தக ரீதியில் நன்கு போகும் என்றும் கூறியிருக்கிறார் தலைவர். மேலும், தனுஷிடம் தமக்கு பிடித்த விஷயமாக அவர் கூறியது: புதுப் புது விஷயங்களை கற்றுக்கொள்ளும், தெரிந்து கொள்ள விழையும் அவரின் ஆர்வத்தை பற்றி குறிப்பிட்டுள்ளார்.
No comments:
Post a Comment